綿羊仔電單車

有朋友問5w50既油得唔得，岩唔岩佢架食偈油既羊用？

一般5w50合羊仔用，頭速上轉快反應快，但食偈油或特別熱既羊不建議，因為食偈油量會增加，而且耐用度耐熱性不及同級10w50 15w50 20w50，扭力款車種用會缺失dd扭力，但因為上轉快而動力唔覺得太多流失，方程式為：扭力x轉數=Power動力，即係轉數會keep住高左d，發熱量更大，根據方程式極速power會較低因為引擎轉數基本上係固定數值，另外引擎水溫油溫數值更高，如是高轉車(有8/9千轉或以上既）會感受到震盪會較10w50 15w50為大，數據上一般抗壓抗剪切能力較低磨損有機會較多。特別熱或老羊建議用返10w50或15w50更佳，人可以接受就用10w60 15w60都可以，除非是每日只行10公里以內中低速短途運作則問題不大而且亦較為慳油添。