打氣泵測試

花左5日時間不停測試打氣聽分貝測温度搜查資料試機做對比 ,今日終於有結果 , 新代理經銷品牌鐵將軍 ! VS小米 Vs 八馬赫打氣泵比一比 !

鐵將軍有近十年品牌歷史專注車用電子產品 ,咁同我地電單車鐵騎士都有一定關聯 ! 第一波我地推出打氣泵類產品 , 同時對比市面及我地手上現有 產品一同比較一下究竟鐵將軍產品到底去到咩境界呢 ?

結果如圖中所示 心心係代表佢係該項目表現最佳 - 對

於鐵騎士黎講心心越多亦不一定代表最好 , 因為有限存物空問既電單車黎講 , 冇最好只有最合適既產品 。

簡評各款產品及優異之處 :

鐵將軍出口版P15B機身重量最輕最細 , 打15吋160粗胎由0至32psi都打到3.4條，雖然速度慢d但勝在夠靚價，非常適合一般極少載物空間車款使用 , 當埋充電寶用都仲得 。

台灣八馬赫G8+氣泵(已停產)使用3粒18650電芯驅動，原廠配置電芯麻麻 ,改成A123電芯後電力驚人耐用 ,體積較細但打氣速度快熱量大聲音都大。缺點係顯視數值太細太難睇 , 又冇充電寶功能 .

再來係小米最新2代款氣泵 ,同1代感覺相差不大係有少少外觀不同 ,優點係體積算細且電量不錯 ,但可惜不能像其他品牌的打氣泵當充電寶使用 , 配件上比上一代多左d轉接卡式咀 , 某d鈴扭唔到氣咀入去既可以用返90度卡式咀打到氣 ,但我地買普通版就比鐵將軍既少一條ype C充電線。

鐵將軍P07基本上同小米泵十分相近 , 只係功能上再多左個充電寶功能可以為其他5v電器用品充電 ,打氣都快d但就相對大聲d同熟dd。配件亦齊全電量上都相對較大 , 可以打多差不多條半胎氣 , 氣咀成個品牌都係短少少且可拆式方便存放 。

鐵將軍P12設計上係電池同氣泵可以分離且獨立工作 !電池部份似足一支強光電筒 , 可獨立照明及USB直出作充電寶使用 ,經我地拆解後發現電芯為21700型號4Ah款2粒 , 有DY能力或壞電時可以自行升級更大5Ah款 。氣泵部分亦有直供電接口可以使用點煙插車充等直接供電氣泵使用 。除體積較大及打氣較慢外 其餘均優於以上對手 。

鐵將軍P09旗艦款氣泵 , 雖然最重最貴且體積有d大 ,但就有最豐富功能及最耐用既電量 , 超靜音效果超低運作超快速打氣 ,仲可以用作救車寶 ! 一機多用真係實至名歸 , 當然就只有儲物量最多 既車種先至喜呢類頂級產品 .今日佢仲有項級優惠價格 , 比建議價平37%足二百幾蚊!

個人推薦 :

如果夠儲物空間又不限洗費P09旗艦款的確多 功能好使好用又方便 , 否則戶外活動多既車友可以考慮P12 ,支外接式電筒電池幾方便擺黎擁去使用 , 其餘用家基本上建議T15B或P07已經足夠使用 , CP值會比小米或八馬赫都高 , 仲有一年保養 , 有需要可以返黎檢查及損壞返廠維修。

感想:

同事打胎氣測試環節 , 為左精準公平比較 , 充滿電打氣測温計時 , 頭頭尾尾都玩左差不多日半 , 再做下拆解評估試用寫報告影相剪片等等 , 不知不覺都搐左4日幾5日時間先完成瞩d工序 , 有d出乎意料之外。