火咀及偈油測試

Brisk Racing AR12ZS Multi-Spark Plug火咀及Honda G3 10W30油試後簡評:

Brisk vs Denso IU24 穩定性: B<D 低速加速: B<D 3千至9千轉加速: B>D 交換左兩次火咀反覆測試, 感覺Brisk Racing火咀初段到中尾段加速都好強勁, 似乎3連電弧對加速有唔少幫助, 就算連日用既Denso銥金咀都唔夠佢黎, 同Denso Racing或NGK Racing火咀相比就唔知啦, 未試XD 感覺上架車既油溫似係會熱多1-3度不等添。雖然Brisk Racing火咀有銀軸心,但感覺都係DENSO轉速穩定D, 而且Brisk價格真係都唔平, 差不多雙倍價錢, 而且Racing野絕不會耐用, 就算偈油, brake皮, 胎, 極力子, 鏈等等都係, 係Racing brake油除外啦~

再講油: Honda G3 10w30 vs G4 0w30 vs redline 10w30 熱車速度: G4>R>G3 頭中段加速: R>G3>G4 尾段加速: R=G4>G3 頭段震盪: G4>G3=R 尾段震盪: R>G3>G4 極力子震盪: G3>R>G4 G4我覺得唔好既地方係未熱車極力子轉波有好清脆既金屬互撞震盪聲音, 熱車後消失, 似係高黏抗磨劑開始發揮作用。G4算噤用大概1800-1900公里左右先有感覺少少衰退。 G3則係未熱車轉波好順好正, 但熱左後就反而似G4未熱車咁, 好似油膜唔夠厚, 瀉唔到極力子轉波時金屬互撞度力咁。加速上G3除左唔夠Redline黎,基本上都係比G4好,G4要係中高轉開始先可以慢慢追上黎, 轉數越高溫度越高, G4就更發揮到佢既性能。G3油壓同redline差不多都好穩定而且壓力更高近10%到,可能同佢結構添加左10-20%酯,但極壓減阻劑則唔係頂級果類型有關吧。正常用如果G3 G4 50/50 混合用就真係正曬! 高中低轉都順暢好去又定!

後績, 因為G3加速始終唔及Redline, 於是再加左pi同Brisk Racing火咀雙本齊下, wow , 神奇事情發生了, 3至9千轉可以一氣呵成直上, 阻力低左唔少, 加速快又猛左好多, 似係換左一支Redline返黎咁XD 仲要無Redline咁震添(頭300公里,之後又差不多了XD)